Theater im Freien 2024
A caschun dallas festivitads da 600 onns Ligia Grischa ha la vischnaunca da Trun previu da far in teater el liber che vegn menaus si igl uost 2024.
Igl autur da quel ei Michel Decurtins, Mario Pacchioli ei il cumponist e la reschia fa René Schnoz.
L’Uniun da teater Trun separticipescha vida quei eveniment unic. Nus lessan denton era dar la pusseivladad a convischinas e convischins dad esser part d’ina occurenza che funcziuna sulet lu, sche biars e biaras han plascher ed engaschi.
Perquei tscherchein nus acturas ed acturs per il toc. Il casting ei ina fuorma lucca per emprender d’enconuscher in l’auter. Ei va bu per far ina presentaziun, mobein per in discuors en ina atmosfera famigliara.
Casting ils 10/11 da zercladur 2023
sonda 13.00-16.00 en l’aula a Trun
dumengia 10.00-13.00 en l’aula a Trun
Tgi che ha interess da far part a quei casting ni insumma esser part da quella entira historia teatrala – duei telefonar ni scriver. Sper acturas ed acturs essan nus era alla tscherca da glieud che ha plascher da segidar davos las culissas e passentar ensemen in grondius ed interessant temps.
Esther Berther 078 681 54 27
Nus selegrein da semetter sin viadi ensemen cun Vus
Esther Berther, producenta dil teater el liber
