Sanierung via Darvella – Gassa sut

Beingleiti entscheivan las lavurs da sanaziun dalla Via Darvella e dalla Gassa sut. Sanai vegnan ils tschancuns nudai el plan sut cun colur. Tier la cruschada dalla Gassa sut e la via Tiraun vegn plazzau in moloc per rumien da casa (punct blau el plan).

Sco emprema etappa vegn entschiet gliendisdis, ils 17 da mars 2025 cun la sanaziun dalla Gassa sut. Las lavurs entscheivan dado la casa d’Astrid Rensch e meinan engiuviars tochen tier la casa d’Adalbert e Ruza Defuns.

Nies inschignier Toni Enzler procura ch’ils access tier ils habitadis ein garanti, u sur la via da Darvella ni sur la Gassa. En cass che singuls habitonts perliung dalla Gassa sut han duront entgins dis negin access cun auto tier lur casadas san els parcar perliung dil Stradun (anteriura via cantunala). Per damondas supplichein nus da contactar il cau dil menaschi tecnic, Albert Spescha (081 920 20 45 ni albert.spescha@trun.ch).

Cun la secunda etappa naven dalla punt dadens la casa d’Arthur e Margrith Decurtins tochen tier la casa d’Astrid Rensch vegn entschiet directamein suenter che las lavurs d’impressari vid la Gassa sut ein serradas giu (stad 2025).

Schibein las lavurs d’impressari sco era las lavurs da cuvrida ein vegnidas surdadas alla fatschenta STRABAG, Mustér.

Trun, ils 6 da mars 2025

Administraziun communala