Temps da ruaus

La lescha da polizia dalla vischnaunca da Trun ei vegnida approbada il settember 2022 entras il pievel e regla denter auter il temps da ruaus. Il ruaus da notg cuozza duront la stad dallas 23.00 tochen las 07.00 uras. Duront quellas uras ei scumandau da far canera mulestusa. Denter las 12.00 e las 13.00 uras ei il basegns da ruaus pli ault dalla populaziun da risguardar. Tut ils disturbis che san vegnir evitai tras in secuntener cun risguard, sco per exempel segar curtins, ein da tralaschar duront quei temps sur miezdi (Art. 14 Lescha da polizia Trun). Duront dumengias e firaus ein tut las lavurs scumandadas, surtut lavurs sin funs, sin cuolms, en curtins e lavurs d’uaul. En cass ch’ei vegn cunterfatg alla lescha da polizia ei la suprastonza communala sfurzada da castigiar sin fundament digl artechel 22 dalla lescha da polizia dalla vischnaunca da Trun.

Suprastonza communala Trun