Rimnada da rufid bloccont
Sco usitau organisescha la vischnaunca la rimnada da rufid bloccont.
La rimnada en vischnaunca ei destinada per rufid ord ils tenercasa privats da nossa vischnaunca. Ella succeda per segidar cun nossas convischinas e nos convischins e per evitar viadis cun pigns quantums sin la deponia a Plaun Grond, Rueun.
Liug
La rimanda da rufid bloccont succeda gievgia, ils 18-04-2024, allas 10.00 – 18.00 uras ad Igniu/Pustget.
Uorden sil plaz da rimnada
Il material sto vegnir sortius e deponius tenor instrucziun dil responsabel per la rimnada en ils divers containers.
Cuosts
Pigns quantums entochen la grondezia dad 1m3 vegnan pri encunter gratuitamein. Per quantums che survargan quella dimensiun vegn quintau mintgamai frs. 15.00 per il m3.
Per pneus senza gavegl ei da pagar ina contribuziun da frs. 6.00 per toc, pneus cun gavegl frs. 12.00 per toc.
Rufid che vegn buca prius encunter:
- lenna che sa vegnir barschada
- plastic dallas ballas da silo
- rufid che croda tier spazzadas, sanaziuns e rumidas da baghetgs
- utensils electronics (san vegnir dismess tier la deponia Plaun Grond a Rueun)
Suprastonza communala Trun
Anavos tier la survesta
