Uniun Trun Cultura
SPAZI d’art Matias SPESCHA
Via Fabrica 13
Il Spazi Spescha ell’anteriura fabrica da ponn muossa ovras da Matias Spescha, oriunds da Trun, en dialog cun auters artists ed autras artistas.
Ella gronda halla industriala da 1000 m2 han liug duront la stad exposiziuns che presentan ovras da Matias Spescha en differents contexts cun auters artists ed artistas.
Exposiziuns 2026 – exposiziuns Trun Cultura
SPESCHA & SPESCHA – in inscunter d’art dalla ovras da Venice Spescha e talas da siu bab Matias Spescha. Venice ei carschida si a Trun, Turitg e Bages en Frontscha. La fascinaziun e la sensibilitad pils fenomens spazials stattan el center da sia lavur.
L’exposiziun Zarli Carigiet – davon e davos las culissas porscha ina survesta biografica davart veta ed ovra digl actur sco era sia lavur creativa e ses cumbats persunals. Sia «tribuna solo», ch’el ha realisau ensemen cun siu frar Alois e sia dunna Doris, ei vegnida reconstruida ed ei l’attracziun dall’exposiziun.
Temps d’avertura: venderdis – dumengia, 14:00 – 17:00 uras
DAPERTUT – IL NIEV FESTIVAL A TRUN
Cul festival DAPERTUT lantschescha Trun Cultura dils 28 – 20 d’uost in niev format cultural, inspirai da sia «tribuna solo». Cun elements da tribuna mobils tranformein nus streglias, plazzas e la Casa Carigiet e siu contuorn en ina scenaria specatular cun musica, cabaret, teater, circus, sault e performance.
Bigliets san vegnir retratgs sut Festival da tribunas DAPERTUT
www.trun-cultura.ch info@trun-cultura.ch
CASA CARIGIET
Plaz Cadruvi
Igl anteriur baghetg signuril digl onn 1769 ch’ei oz sut protecziun da monuments vegn reconstruius en pliras etappas e nezegiaus sco casa da cultura, dedicada als renomai fegls da Trun: il pictur ed illustratur da cudischs d’affons Alois Carigiet (1902–1985) sco era a siu frar, il cabaretist e giugadur Zarli Carigiet (1907–1981).
Aunc duront la reconstrucziun sesarva la CASA CARIGIET danovamein al publicum.
