Uniun Trun Cultura
SPAZI d’art Matias SPESCHA
Via Fabrica 13
Il Spazi Spescha ell’anteriura fabrica da ponn muossa ovras da Matias Spescha, oriunds da Trun, en dialog cun auters artists ed autras artistas.
Ella gronda halla industriala da 1000 m2 han liug duront la stad exposiziuns che presentan ovras da Matias Spescha en differents contexts cun auters artists ed artistas.
Exposiziuns 2025
A caschun dil 100avel natalezi da Matias Spescha (1925-2008) organisescha l’Uniun Trun Cultura treis grondas exposiziuns en honur digl enconuschent artist indigen. El decuors digl onn 2025 presentan els lur entupadas individualas cun l’ovra multifara da Matias Spescha.
Not Vital, 06-09 – 16-11-2025
En lur exposiziuns presentan ils artists lavurs actualas ch’els cumbineschan cun ovras tenor schelta da Matias Spescha, e quei dalla pictura sur las sculpturas entochen ils dessegns e las graficas.
Guids tras l’exposiziun da Not Vital/ Matias Spescha
Dumengia, 28-09, 14:15 – 15:15
Dumengia, 26-10, 14:15 – 15:15
Ils guids porschan in’investa ell’exposiziun d’uonn NOT VITAL / MATIAS SPESCHA, nua che Not Vital seconfrontescha cun las fuormas archaicas da Matias Spescha, ses gronds maletgs sco era sias sculpturas presentond ina retscha ovras actualas che serefereschan medemamein sin fuormas originalas.
Temps d’avertura: venderdis – gliendisdis, 14:00 – 17:00
Ticket cumbinau Museum ed exposiziun Spescha CHF 17.-/ 8.-
www.trun-cultura.ch info@trun-cultura.ch
CASA CARIGIET
Plaz Cadruvi
Igl anteriur baghetg signuril digl onn 1769 ch’ei oz sut protecziun da monuments vegn reconstruius en pliras etappas e nezegiaus sco casa da cultura, dedicada als renomai fegls da Trun: il pictur ed illustratur da cudischs d’affons Alois Carigiet (1902–1985) sco era a siu frar, il cabaretist e giugadur Zarli Carigiet (1907–1981).
Aunc duront la reconstrucziun sesarva la CASA CARIGIET per l’emprema gada al publicum.
Exposiziun 2025
L’ENTSCHATTA / DER ANFANG
02-08 – 28-09-2025
presenta ovras dad Alois Carigiet ord il relasch dalla famiglia, ovras ch’illustreschan il motiv da plazzals. Cumplettada vegn l’exposiziun entras l’installaziun KLIMAX dall’artista da Basilea Nadine Cueni ella stalla ed el curtin, in’inscenaziun digl uaul selvadi «Scatlè» sur Trun, in plazzal perpeten da regiuvinaziun.
Referat
Dumengia, ils 27 da settember, 14:30 – 15: 30
Prof. dr. Harald Bugmann dalla ETH Turitg referescha ella Casa Carigiet davart «Die Dynamik nicht bewirtschafteter Wälder und deren Entwicklung hin zum «Urwald» e presenta las unicas datas ch’ein vegnidas rimnadas dapi 1965 el Scatlè.
Guid d’architectura
Dumengia, ils 27 da settember, 15:30 – 17:00
Silsuenter ha liug in guid d’architectura tras il baghetg cun Remo Derungs e Carmen Gasser dil biro gasser,derungs. La reconstrucziun en pliras etappas ei dapli che semplamein ina sfida dil baghegiar – ella colligia substanza historica cun dessegn modern e scaffescha aschia ina punt denter il vargau ed igl avegnir.
Finissascha
Dumengia, ils 28 da settember, 14:00 – 17:00
Finiziun musicala cun Filomena Felley, viola ed Esther Saladin, cello
Collecta enstagl entrada
Temps d’avertura: Venderdis – gliendisdis, 14:00 – 17:00
Entrada 2025
Regular CHF 10.–, 7-20 Jahre CHF 5.-. Entrada libra per commemberAs da Trun-Cultura, bigliet cumbinau cun Museum Sursilvan Cuort Ligia Grischa CHF 17.- / 8.-
www.trun-cultura.ch info@trun-cultura.ch
OCCURENZAS TIER TRUN CULTURA
27-09-2025
14:30 Referat da Prof. dr. Harald Bugmann dalla ETH Turitg dilucidescha ella Stalla Carigiet la dinamica digl uaul che vegn buca cultivaus e siu svilup agl uaul selvadi. Leutier presenta el era las unicas datas ch’ein vegnidas rimnadas dapi 1965 el Scatlè.
15:30 Guid d’architectura: Carmen Gasser Derungs / Remo Derungs da gasser, Derungs meinan tras la Casa Carigiet
28-09-2025
Finissascha dall’exposiziun «L’entschatta» ella CASA CARIGIET
14:30 – 15:30 finiziun musicala cun Filomena Felley, viola ed Esther Saladin, cello
Entrada CHF 10.-, per commembers dall’uniun gratuit
