Elecziun supplementara per la suprastonza communala
Per la perioda d’uffeci 2027-2029
La elecziun ha liug dumengia, ils 29 da november 2026
Suenter las elecziuns dils 27 da settember 2026 ei in sez enteifer la suprastonza communala vacants.
Propostas per il sez liber en la suprastonza communala ein d’inoltrar entochen ils 29 d’october 2026 (Art. 19 lescha davart votaziuns ed elecziuns).
Tenor art. 19 dalla lescha davart votaziuns ed elecziuns san gruppas da silmeins 5 votants proponer candidats per la suprastonza. Talas propostas ein da far en scret e d’inoltrar all’administraziun communala.
Ina proposta astga buca cuntener dapli candidats ch’il diember da posts libers. Las candidatas ed ils candidats ston mintgamai vegnir indicai cun num e prenum, onn da naschientscha, liug e professiun.
