Elecziun d’in niev selvicultur da revier

La suprastonza communala ha elegiu Carlo Monn sco niev selvicultur da revier. Carlo Monn ha 33 onns ed ei oriunds da Mustér. Suenter ver frequentau la scola mercantila ha el serrau giu la scolaziun sco inschignier forestal cun approfundaziun uaul da muntogna e prighels dalla natira alla scol’aulta per scienzias agronomicas e forestalas a Zollikofen. Plinavon ha el serrau giu la scolaziun da geoinformaticher.

Nus vein grond plascher ch’igl ei reussiu d’anflar ina persuna zun qualificada ord nossa regiun e selegrein sin ina buna collaboraziun. Carlo Monn vegn ad entscheiver sia incarica il schaner 2024. Nies selvicultur Mattias Cadruvi vegn a menar en Carlo Monn en siu pensum da lavur e suenter ir ella bein meritada pensiun.

Suprastonza communala Trun