Teater el liber 2024 – encuretg gidonters

Caras vischinas e cars vischins

Trun fa fiasta l’auter onn , da quei haveis segiramein udiu. Ina da quellas fiastas vegn il teater el liber ad esser. Las preperaziuns, quellas van sco giavischau e nus selegrein fetg da saver realisar in toc screts a posta per quella fiasta. Realisar quel, esser part da quel, haver in bien temps da cumpagnia e luvrar ensemen vid ina occurenza unica – quei ei dapli che mo far fiasta. El meglier cass dat quei chit e fa bein alla cumminonza.

Il toc ei screts, dabia ei mess sin via – naven da l’auter onn entscheivan lu las emprovas, ei vegn realisau culissas e tut vegn tec a tec pli concret.

Tochen ussa eisi stau bia organisar e metter sin via. Exact perquei, lein nus era metter sin via ad uras la tscherca da quellas persunas, ch’ein fetg impurtontas per realisar in tal toc.

Nus tscherchein statistas e statists, persunas che gidan a far culissas ed era tier autras lavurs – che han plascher da segirdar era davos las culissas. Quellas persunas vegnessan en funcziuna naven da circa il matg/zercladur 2024.

– las producziuns ein naven dils 16-08-2024 entochen ils 31-08-2024.

Sche Vus leis era esser part e selegreis forsa da far ina experienza empau unica, lu telefonei semplamein .

Esther Berther

producenta dil teater el liber

078 681 54 27

contact@ligia-grischa2024.ch