Serrada dalla via da Prada (via d’Alp)

A partir da gliendisdis, ils 13 da fevrer 2023 vegn derschiu plontas egl uaul sur Runcalatsch. Suenter vegn montau la suga pil transport dalla lenna. Il camiun cun suga mobila ei plazzaus en via a Lavinal. La via da Prada sto vegnir serrada duront duas jamnas permanentamein per tut il traffic.

Duront ch’ei vegn transportau e luvrau si lenna ei igl access al quartier Tujals mo pusseivels sur la via Cavilan.

Muort il tagl da lenna sto era il trutg che meina naven da Runcalatsch viers la Val da Cadi entochen ils cuolms da Prada Giudem vegnir serraus.

Ils tagls che vegnan fatgs quest’unviern sur il vitg da Schlans ein per promover la regiuvinaziun digl uaul. La finamira ei da mantener la funcziun da schurmetg a moda persistenta.

Uffeci forestal Trun

Firma Candinas SA