Sut igl Ischi 2024
La fundaziun dalla Ligia Grischa igl onn 1424 a Trun sut igl Ischi ei stau in eveniment historic da gronda impurtonza pigl entir cantun Grischun. Per la suprastonza communala eis aschia buca mo impurtont, mobein era ina honur da commemorar quei eveniment cun festivitads commensuradas. Per quei intent ha la suprastonza communala installau ina gruppa da lavur che s’occupescha cun las preparativas per las festivitads 600 onns Ligia Grischa.
La gruppa da lavur ha elaborau in program da basa, definau il tetel per las festivitads «Sut igl Ischi 2024» e schau elaborar in logo per talas. Plinavon ei vegniu mess si in concept ed in preventiv pil giubileum, che duei vegnir festivaus duront igl entir onn 2024. Previu ein treis occurrenzas pli grondas, creadas a posta pil giubileum sco puncts culminonts digl onn da fiasta.
Dapli detagls anfleis el concept „Sut igl Ischi 2024“
logo da fiasta
Il cussegl da vischnaunca ha approbau per mauns dalla radunonza communala in credit brut ell’altezia da frs. 873’000.- per las festivitads. La radunonza communala che decida definitivamein davart il credit ha liug igl 1. da december 2021.
Suprastonza communala Trun
