Moviment
Runal PéraNordic SurselvaPatinera naturalaTuras cun gianellasSendas da viandar
Turas da muntogna
Sper la staziun dalla Viafier retica a Trun indichescha ina carta geografica las pusseivladads da viandar sil territori dalla vischnaunca da Trun. Muossavias indicheschan turas per tuttas direcziuns. El funs dalla val salidan monuments historics e sculpturas preziusas. Ein ils sacados denton gronds e grevs va l’egliada ensi e salida ils Cavistrai ni il priel cul pompus glatscher digl Urlaun ed il cor batta forsa pil péz Russein, il massiv dil Tödi ni il Durschin.
Rutas
Differentas turas da muntogna marcadas ella regiun.
Carta da viagiar „Trun“ 1:25’000, da retrer tier Trun Turissem.
Tip
Tura da muntogna sur la camona SAC Punteglias
Turas da viandar e da bike
Seigi quei ina tura da Singletrail tochen als cunfins digl uaul, ina biala runda a val perliung dil Rein, ni in’excursiun da famiglia: per mintgin ei zatgei avon maun!
Tips da rutas
| Ruta da velo Trun – Surrein, perliung dil Rein: ruta recumendada per famiglias, MTB-vias tenor carta 1:50’000, (da retrer al Campadi) |
| Tura a val |
| Tura a muntogna |
E-bike: staziun da cargar disponibla sper il campadi Trun. Informaziuns supplementaras cheu.
Runal Péra
Ir cun skis da maniera favoreivla, en ina cuntrada sulegliva e senza spitgar! Pign e grond gaudan quella purschida, en special affons ed entscheviders. Giuven e vegl s’entaupan en in ambient familiar e cordial ell’ustria Refugi per sescaldar, paterlar e guder la legria che regia sin pista e sper pista.
Uras d’avertura
| Mesjamna | 13:00 – 16:00 |
| Sonda | 13:00 – 16:00 |
| Dumengia/Vacanzas | 10:30 – 12:30 e 13:00 – 16:00 |
Nordic Surselva
Ina spassegiada ni trenament da cuorsa liunga da Trun a Mustér, per gronda part suenter il Rein, quei vala la peina ed ei in deletg per giuven e vegl, entschevider e currider versau. Varga 30 km loipas, preparadas cun la tecnica la pli actuala. La loipa illuminadada a Trun sclarescha pliras seras duront l’jamna.
Uras d’avertura loipa da notg
| Gliendisdis – Gievgia | 18:00 – 21:00 |
Informaziuns
Nordic Surselva
Club da skis Trun
Patinera naturala
Dapi 1962 dat ei a Trun in glatsch natural cun las mesiras ufficials d’ina plazza da hockey ed ina buna illuminaziun. Sper quei sport san ins denton era nezegiar il plaz da glatsch per patinar libramein e pil sport da fierer rudialas. Sin empustaziun vegn organisau per gruppas ed uniuns occurrenzas da fierer rudialas, cumbinadas cun seras da fondue.
Uras d’avertura ed informaziuns
Uniun da scursalets Trun
Ulteriuras purschidas
Fierer rudialas per gruppas.
Fierer rudialas e sera da fondue per gruppas ed uniuns (sin empustaziun).
Turas cun gianellas
El contuorn da Trun dat ei differentas rutas ch’envidan ad ina viagiada cun gianellas. Rutas marcadas ein las suandontas:
Schlans–Pradas–Alp Schlans
Caltgadira–Cumadé–Cuolms da Munt
Zignau–Bugliadera–Rensch
Plan da rutas
Gianellas Schlans
Sendas da viandar
La regiun da Trun ei in paradis per viandar, variont e multifar. Las sendas da viandar a Trun ein sco dadas per viandonts duront il temps d’unviern sco da stad. Ti gaudas las bellezias dalla natira gest avon casa. Tgi che semova per vias e sendas secolligiescha cun la natira.
Rutas
Vias per viagiar marcadas ell’entira regiun.
Carta da viandar 1:50’000 da retrer tier Trun Turissem ni al Campadi.
Tip
Senda Sursilvana, via marcada naven dil pass Alpsu tochen Cuera.
