Crossiety – la tabla nera digitala
Cun igl 1. da december 2025 ha la vischnaunca introduciu ina nova plattaforma sco tabla nera digitala per habitonts, uniuns e fatschentas. L’applicaziun «Crossiety» vegn messa a disposiziun a tuts interessents per rinforzar la cuminonza sociala sco era per simplificar il brat d’informaziuns. “Crossiety” ei in miez d’informaziun per novitads ed occurrenzas en nossa vischnaunca. La plattaforma porscha ad uniuns ed al commerci indigen la pusseivladad da sepresentar. Vinavon dat ei ina plazza da fiera digitala per artechels e purschidas enteifer la vischnaunca.
Tgei ei «Crossiety»?
- In mied d’informaziun per novitads ed occurrenzas en nossa vischnaunca.
- Ina plazza da fiera digitala per artechels e purschidas enteifer la vischnaunca.
- Ina plattaforma surveseivla da sepresentar per uniuns, pil commerci indigen e per cuminonzas d’interess.
- Ina plattaforma per brattar informaziuns, organisar occurrenzas e parter ideas.
Communicaziun per in e scadin
La plattaforma duess rinforzar la cuminonza sociala e simplificar il brat d’informaziuns en vischnaunca. Cun ils avis (push) che cumparan immediatamein sin Vies telefonin, munchenteis Vus neginas informaziuns arisguard temas sco serrada da vias, resultats da votaziuns ed elecziuns, publicaziuns, e.a.v.
Video da scolaziun
www.crossiety.ch/schulungsvideos
Registraziun
Nus envidein Vus cordialmein da daventar ina part dalla plattaforma communala digitala. L’applicaziun «Crossiety» ei per in e scadin gratuita e sa vegnir installada sur igl App Store ni Google Play Store (ni sut www.crossiety.app). La registraziun ei nuncumplicada e pretenda sulettamein Vies liug da domicil.
Cun Vossa participaziun procureis Vus per in svilup en caussa communicaziun e socialesser. Nus selegrassen d’astgar beneventar Vus beingleiti online en nossa cuminonza digitala.
