Museum Sursilvan Cuort Ligia Grischa
Via Principala 90, 7166 Trun
Serrau tochen ils 5 d’avrel 2025
Il Museum Sursilvan Cuort Ligia Grischa a Trun ei in dils pli bials edifecis historics en Surselva. El ei vegnius erigius da 1674-1679 dalla claustra da Mustér ed ha surviu sco casa cumin dalla Ligia Grischa. La sala dil causligia, era numnada sala d’uoppens, fuorma il cor dalla casa.
Oz gioga igl art en la Cuort Ligia Grischa ina impurtonta rolla ed ei la raschun che bia amaturas ed amaturs digl art visetan il museum. Exposiziuns permanentas d’ovras originalas ein dedicadas als enconuschents artists daTrun: Alois Carigiet, Matias Spescha, Gieri Schmed e sora Gelia Degonda.
Occurrenzas 2025
| sonda | 05-04 | 16.00 | Vernissascha dall’exposiziun d’art da Fortu. C. ed avertura dil museum | |
| sonda | 19-04 | 16.00 | Vernissascha dall’exposiziun «Skizzas dad Alois Carigiet» cul curatur Marco Coray | |
| mesjamna | 23-04 | 14.15 | Suentermiezdi per affons | |
| dumengia | 18-05 | 14.15 | Guida publica tras l’exposiziun da Fortu. C. cun Jörg Cagienard | |
| sonda | 24-05 | 16.00 | Vernissascha dall’exposiziun d’art «Las quater ediziuns bibliofilas da Hendri e Matias Spescha» dils curaturs Alexa Giger e Gieri Venzin. Cun in plaid da commemoraziun tras Rico Caduff e discussiun cun persunas ch’han enconuschiu els. | |
| dumengia | 01-06 | 14.15 | Suentermiezdi per affons | |
| sonda | 07-06 | 19.00 | Presentaziun digl archiv dad RTR e la pagina participativa nossaistorgia.ch cun Bernard Bearth e Flavio Huonder sut il motto “Segns dil temps – vossas e nossas memorias”. | |
| dumengia | 15-06 | 14.15 | Guida publica tras las exposiziuns | |
| sonda | 12-07 | 17.00 | Vernissascha dall’exposiziun d’art «Fier – Textil» dad Andrea Alig & Fis Guldimann | |
| mesjamna | 23-07 | 14.15 | Suentermiezdi per affons | |
| dumengia | 10-08 | 13.00 | Di da jarvas – Allas 13.00 excursiun cun Pirmina Caminada, allas 16.00 referat dad Ursula Brunold-Bigler cun la presentaziun dil cudisch Kräuterland Graubünden. (cun annunzia) | |
| sonda | 23-08 | 14.15 | Guida publica tras l’exposiziun d’art «Fier – Textil» cun Andrea Alig & Fis Guldimann | |
| sonda | 30-08 | 17.00 | La Tavolata : tscheina cun spisas d’antruras (cun annunzia) | |
| mesjamna | 17-09 | 14.15 | Luvratori per affons cun Andrea Alig (cun annunzia) | |
| dumengia | 21-09 | 14.15 | Guida publica tras l’exposiziun «Skizzas dad Alois Carigiet» cun Marco Coray | |
| mesjamna | 15-10 | 14.15 | Suentermiezdi per affons | |
| dumengia | 19-10 | 14.15 | Guida publica tras l’exposiziun da Matias e Hendri Spescha |
Exposiziuns d’art 2025
Alois Carigiet
Alois Carigiet ei naschius ils 30 d’uost 1902 a Trun. Suenter d’haver terminau igl emprendissadi sco pictur da decoraziun lavura el tochen il 1939 sco graficher en siu agen atelier a Turitg. Silsuenter serenda el en Surselva, marida il 1942 e survegn duas figlias e lavura sco artist liber. 1945 – 1965 cumparan ils cudischs d’affons renomai. Dils onns 1950 – 1960 exequescha A. C. incumbensas grondas per maletgs da preits e fatschadas en tut la Svizra. Duront ils onns 60 e 70 elavurescha el numerusas litografias. A. C. miera igl 1. d’uost 1985 en la casa d’attempai a Trun.
Matias Spescha
Igl onn 2025 festivas Matias Spescha ses 100avel anniversari. Per quell’occasiun organisein nus in’exposiziun che tematisescha l’ovra communabla dils frars Matias e Hendri Spescha en connex cun ovras litteraras.
05.04 – 06.07.2025 Exposiziun d’art Fortu.C.
Fortu.C. sco ses amitgs numnan Fortunat Cagienard, ei naschius 1935 a Trun.
Siu giavisch era dad emprender graficher, denton ha el empriu da pictur decorativ e daventaus meisterpictur. Sia pictura ei sesviluppada duront 50 onns dil real tochen all’abstracziun creativa. Dapli da sias ovras Bilder – Fortu. C.
12.07. – 31.10.2025 Exposiziun d’art dad Andrea Alig e Fis Guldimann
In’exposiziun cun ovras ord textilias e sculpturas.
La sala da dertgira
La sala da dertgira ei ornada cun ils uoppens dils causligia dapi l’entschatta dalla Ligia Grischa igl onn 1424 e dapi gl’onn 1790 cun ils uoppens da tut ils magistrats ord igl anteriur territori dalla Ligia Grischa.
La stiva digl avat
Avat Adalbert II de Medell ha schau construir la Cuort claustrala 1674-79 e 1682 iI custeivel tabliau en la stiva abbaziala entras iI frater Pieder Solèr da Schluein.
Il curtin
Il curtin construius 2018 daniev envida da star e far ina pausa. Era ei quei in adattau plaz per apéros da nozzas, gruppas ni famiglias.
Uras d’avertura 2025:
5 d’avrel – 31 d’october
gliendisdis, mesjamna, sonda e dumengia mintgamai 14 – 17
Prezis d’entrada
| carschi | frs 10.– |
| affons naven da 7 onns | frs 5.– |
| guidas 60 minutas | frs 90.– |
Sclariments e guidas
telefon 081 943 25 83
ni museum@trun.ch
