Sut igl Ischi 2024

La fiasta „Sut igl Ischi 2024“ ei vegnida documentada cun fotografias e video.

Avon 4 onns ha il president communal Dumeni Tomaschett explicau al cussegl da vischnnaunca l’idea d’ina documentaziun suandontamein:

„… Per la fiasta da 1924, pia avon 100 onns, vevan els engaschau treis fotografs dil cantun Grischun, in da Cuera, in da S.Murezzi ed in da Samada, per documentar quella fiasta. Perquei vein nus oz quellas fotografias ch’ein grondiusas, ch’ein en in cudisch tier nus egl archiv ed era tier bein enqual persuna a casa.
Nus fagein quei empau auter ussa, perquei ein il Beat e l’Esther oz cheu (e filmeschan cheu quella sesdia). Els documenteschan nossa fiasta cun in film, naven dall’entschatta – ed ei duess esser oz in’entschatta – e ei dess enzacu cun la fin da 2024 in film….“

La gruppa da lavur ha sinaquei formulau l’incumbensa pils dus documentalists: Ella lessi veser la lavur dalla glieud dil vitg, veser co tuts tschappan en e separticipeschan – cun auters plaids, els lessien in schinumnau „making of…“ cun maletgs davos las culissas.

Lotar Tomaschett ha creau in cudisch da fotografias,
Beat Manetsch in film documentar.

Ed il film entscheiva gest cun quella sesida dil cussegl da vischanunca dils 15 da november 2021 – cu tut era aunc mo ideas sin in toc pupi …