Nova lescha da parcar 2026: Informaziun davart l’entrada en vigur

Actualmein ei la suprastonza communala lundervi d’organisar la signalisaziun e la marcaziun dils parcadis communals. Vinavon cuora la publicaziun da cooperaziun en connex cun las novas restricziuns da traffic (mira fegl ufficial dils 19 da december 2025). Las empremas controllas dils parcadis han liug suenter che las uras da parcar e las signalisaziuns ein montadas. La suprastonza communala vegn ad informar la populaziun sin la pagina d’internet, el fegl ufficial e sin la tabla nera digitala avon che schar exequir las empremas controllas.

Cartas da parcar per parcar permanentamein san vegnir retratgas naven dad immediat tier l’administraziun communala.

Sin fundament digl artechel 3 dall’ordinaziun davart il parcar sin intschess communal da Trun 2026 ein las taxas vegnidas fixadas sco suonda:

Taxa per lubientscha dall’jamna: frs. 30.-

Taxa per lubientscha dil meins: frs. 50.-

Taxa per lubientscha digl onn: frs. 400.-

Sin suandonts parcadis eis ei buca pusseivel da parcar cun carta:

Center communal, Campadi Ogna, Plazs da tennis, Plazza da giugs

Per ulteriuras damondas stein nus bugen a disposiziun (081 920 20 40 ni canzlia@trun.ch).

Trun, 03-01-2026

Administraziun communala Trun